雨僑冒雨上梧桐寨瀑布 一步一驚心

昨日雨僑Ava為運動品牌拍攝行山特輯,雖然天公不造美,又濕又落雨,但Ava做足行山措施,又獲猛男教練團隊同行護花,所以全程有驚無險,安全着陸。
Ava以前都有行山經驗,但次數不多,豈料今次一嚟就挑戰被譽為「香港四大自然奇景」、位於大帽山北的梧桐寨瀑布,可算藝高人膽大。梧桐寨瀑布由群瀑組成,多條路段都經狹道峭壁需攀石而上,相當考驗腳骨力同體力,弱質纖纖的Ava冒雨行山,雖一身輕便運動裝,披雨褸仲帶埋行山杖,但因為路段難行,Ava基本上爬多過行,中途更已輕微腳震,不過她意志橫強,震住震住四個鐘終於走畢全程!



Ava事後都攰到散晒,她說:「我真係堅有毅力,其實去之前我已經隊晒成盒豬扒飯,但體力好快用完,因為呢次行山比預期中難度高咗,加上中途落雨,好多路途都要爬,好在有枝行山杖同埋都係跟大隊,一路篤一路爬吓爬吓就到山頂,係好攰嘅,不過過程都好充實,行山都係一種樂趣嚟嘅。」

浩楠

Stars-hk 創辦人, 希望建立一個只談專業, 不談八卦的娛樂資訊網站。