新歌〈Am I Crazy?〉吳保錡對音樂追求 孖何啟華化身Rock友 強尼、許寶恆Alice客串爆笑演出


試過推出兩首兵歌〈猥瑣〉及〈羅曼蒂克衰亡史〉後,吳保錡(Poki)搖身一變成為J-Rock樂隊主音,演繹Rock爆Band Sound〈Am I Crazy?〉,找來Jason Kui監製外,更有ERROR隊友何啟華(Dee)參與Rap的部分。

 

〈Am I Crazy?〉是一首以J-Rock作招徠的作品,圍繞Poki對音樂和夢想的追求。Poki道:「我好努力搞笑,做俾大家睇,我亦知道觀眾最想睇我搞笑,但我都好想做到好音樂俾大家聽。我自己本身好鍾意X JAPAN,好鍾意搖滾樂,做咗兩首情歌,今年第3首歌希望話俾人聽,我唔係淨係做到情歌,好硬橋硬馬嘅嘢,我一樣做到。」〈Am I Crazy?〉就是Poki的心聲,道出他堅持做音樂的過程中的感受。

為了令歌曲更見立體,Poki找來Dee合作Rap兩咀, Dee當然義不容辭,Dee說:「音樂上我冇乜追求,今次當然係撐兄弟,難得Poki邀請我。」Dee除了Rap以外,更瞓身幫手寫Rap詞,Dee回憶起創作的過程,說:「藝人喺演藝呢條路上充滿批評,好多負評係基本,所以填詞人T-Rexx有問我會唔會攞網上嘅一啲好難聽嘅字眼,或者係對Poki嘅意見、批評,寫成Rap詞,同歌曲內容做成對比。」除了Rap,Dee亦有參與今次MV演出,與Poki齊齊以Rock友造型示人,Dee坦言感覺新鮮,他說:「第一次嘗試新造型,除咗出Show之外,我平時唔會著呢啲皮褲皮褸,發覺原來都好好睇,可以Carry到。」Poki也說:「今次全新造型,再配合化妝與髮型,感覺完全唔同晒。」

〈Am I Crazy?〉既有Rock爆的夾Band場面,亦有搞笑的劇情,當中有強尼、許寶恆(Alice)及JFFT的客串演出,其中強尼扮演老闆,Poki指對方是不二之選。Poki:「強尼大哥超級好,睇住我出道,到而家可以邀請佢拍MV,係一個好感動嘅事情。」強尼也很開心有這次不一樣的合作,因為看到對方的長成與轉變,強尼說:「人要經歷下高低,而家先至顯得可貴。我多同Poki一齊做嘢,呢幾年佢有變化,Feel到Poki而家會識珍惜工作、機會,人變得沉實咗。」Poki也感激道:「以前有唔開心都會同佢分享,以前唔成熟,今次推出到呢首歌,係有前因後果。〈Am I Crazy?〉裡面請唔同人嘅參與,都係有原因。」另外網紅JFFT今次為Poki扮演搬運工人,但受邀時還以為講笑,床哥@JFFT說:「直播時已講過如果拍MV一定要搵我哋做,到真係搵我哋時,起初以為佢亂噏,因為之前上去我哋個Channel直播都搞咗一年先成事,所以起初話拍MV都以為佢亂講。」經過今次合作,Poki即要求JFFT下次若拍MV也要找他演出,床哥即說:「放心,我哋對上一個MV,7日破百萬,腳頭好!」眾人更約好要食自助餐慶功。至於Alice,她在MV中扮演Poki的女友,不過秉承過去的MV,Poki未有與對方有親熱戲,鏡頭前反而頻頻被對方責罵。Alice說:「我要瘋狂諗Poki嘅缺點。」為答謝對方參與演出,Poki表示會封利是給Alice作報酬。

除了忙著歌曲宣傳及拍攝劇集外,Poki也著手與ERROR幾位兄弟一同籌備將於12月16至18日於九展Star Hall舉行的《明星生活ERROR Live Show 2022》。相隔3年再次開Show,更由一場變三場,Poki與Dee可有票房壓力?Poki說:「票房唔擔心,因為得咁少位,比較擔心大家撲唔到飛嘅情緒,令到Fans唔開心,我哋最唔想,希望黃牛高抬貴手。」至於表演內容可會像上次演出般包羅萬有,Poki指今次Live Show將會是他們過去4年的概括總結,Dee另補充道:「我哋儲咗好多經歷,有好多嘢想同大家分享,但以乜嘢形式,我哋仲掙紮緊,因為實在有太多方法,但我哋總係追求最完美最好效果俾大家睇到,唔想嘥咗大家辛苦撲返嚟嘅門票,然後最後攞住刀櫈,但我哋太多趣聞。」Poki與Dee更表示,如果〈Am I Crazy?〉MV反應好,大家又喜歡的話,他們絕不介意屆時以MV中的Rock Star造型與大家見面!

浩楠

Stars-hk 創辦人, 希望建立一個只談專業, 不談八卦的娛樂資訊網站。