蔣嘉瑩、朱紫嬈、KellyJackie 唱美少女戰士賀黃翊生日

日前黃翊於踏入55歲生日開直播以歌會友,邀請到蔣嘉瑩(Vivian)、朱紫嬈(Khloe)、陳曉琪(KellyJackie)三女做嘉賓。節目一開始已經嘈喧巴閉簡直係三個女人一個墟,搞到平時做開Live主持嘅黃翊都俾佢哋三個搞到差點駕馭唔到。第一首就唱美少女戰士打開序幕。黃翊表示三位美少女嘉賓可以組隊出歌並一同開演唱會,如當年三小花:周慧敏,湯寶如,王馨平⋯⋯

黃翊當晚除咗唱出自己心頭好嘅歌,仲唱咗好多首粉絲點唱嘅歌,由於收到粉絲超過過百首點唱,最後要唱到12點。佢嘅生日願望都希望大家好。疫情快過, 大家回復正常生活,又可開演唱會。黃翊問到三位最近忙啲乜? 蔣嘉瑩(Vivian)話忙做演唱會嘉賓所以多咗個朵叫俠女。因為佢地話佢有義氣哦!最近就做完蔡楓華演唱會嘉賓。更笑説俾佢拖住好緊張。朱紫嬈(Khloe) 最近就忙於做公關工作幫朋友宣傳大閘蟹, Khloe 表示今年已經食咗十次大閘蟹,再食落去會變肥仔。為咗攬炒邀請咗翊哥,KJ同蔣嘉瑩一齊大吃一餐。至於KJ就忙於教唱歌連Khloe約佢都話要幾次先約到。一向都有唱開和音嘅佢仲問翊哥幾時開演唱會3.0報定名參與。


浩楠

Stars-hk 創辦人, 希望建立一個只談專業, 不談八卦的娛樂資訊網站。