何展睿飛日本旅行兼工作,太太化身導遊達人

歌手何展睿 Steve早前跟老婆同行到日本旅行,順道為明年音樂專輯進行拍攝:「近期因為外遊入境檢疫措施放寬,所以即刻叫老婆訂機票去日本旅行放鬆。除咗旅行同時為新專輯進行拍攝。今次去日本沖繩行程大部分時間集中親親大自然,當地環境舒服,比咗我好多靈感,係日本已經作咗幾首新歌!」

此外,今次為新碟赴日拍攝,Steve表示由早拍到深夜,由室外拍到室內,當中最辛苦不是體力勞動,竟然係為擺post而苦惱:「因為日本天氣清爽,體力上都撐到,最令我頭痛係拍攝上需要我擺唔同姿勢,喜怒哀樂通通做齊,尤其要擺D好chok既表情,好有難度。好彩自己事前做咗一輪資料搜集,參考好多model點擺post。真係估唔到自己都可以扮型,希望出嚟效果大家會滿意!」

至於今次日本之旅由太太Yandy策劃行程並化身導遊,Steve佩服這位多功能太太:「老婆係旅遊達人,人人都話去沖繩一定要自駕遊,最後佢打破傳統,我哋同當地市民一樣搭鐵路、公車就去到所有目的地,好有滿足感,真係要讚讚佢事前做足功課!」

一向埋頭工作既Steve表示今趟旅行終於成功在工作及享受生活中取得平衡:「平時做嘢不停衝,今次竟然可以抽一日時間全程享受大自然:去咗景點「萬坐毛」睇到海洋同靚景、世界最大嘅室內海洋館、仲第一次置身鐘乳洞,要讚嘆大自然既偉太同壯觀。另外,行程中自己再次拎起畫筆,奢侈花咗半個鐘完成日本手工掛飾;仲可以一邊嘆住咖啡、吹住海風、望住海洋同日落,真係幫我叉足電,可以講係人生最享受最滿意既一次旅程!」


浩楠

Stars-hk 創辦人, 希望建立一個只談專業, 不談八卦的娛樂資訊網站。