歌手Sophia、Apple、夏蕙BB齊穿校服上網台節目「圍爐取戀」 大談戀愛態度


兩位未成年歌手Sophia(雅荍)、Apple,日前參與網台節目「圍爐取戀」,今次的嘉賓還有黃夏蕙(夏蕙BB),三位嘉賓年紀相隔76年,兩嫩一老暢談時下學生哥的戀愛態度,她們為了配合主題,齊齊穿上校服,打破代溝的隔膜。

兩位16歲的正牌學生Sophia(雅荍)及Apple,加上年過90的夏蕙BB,大家的戀愛態度竟然是一致,若是喜歡對方便要爭取機會去馬,不要浪費時間。在節目中有位16歲女同學來電傾訴暗戀故事,她們聽了這段若即若離的疑似戀事,均覺得女同學應該自己行前一步,否則只會嘥時間,雖然Sophia、Apple意見頭頭是道,但原來她們都沒有拍拖對象,Sophia更說:「最好唔好拍,祈望越大失望越大,一切順其自然。」Apple則坦言想嘗試拍拖感覺。在旁的夏蕙BB說:「佢哋只有16歲太細個,點拍拖呀!不過少女個個都咁靚,有邊個唔想畀人追呀!」

一向前衛的夏蕙BB令Sophia、Apple十分佩服,Sophia說:「佢好平易近人、好親切,好舒服,仲好貼地添,又幾可愛,因為我拎咗本書畀佢簽名,佢好好笑咁話簽到手軟,佢雖然係老人家,不過原來佢可以開玩笑。」至於Apple則說:「雖然我哋年紀有相距,但係佢好似啱啱成年咁,完全冇代溝,而且佢畀女同學嘅見解好好。」她們又表示,夏蕙BB很鼓勵她們,有夢想要努力去追求,鐘意便用行動去做,做人要勇氣及勇敢!

浩楠

Stars-hk 創辦人, 希望建立一個只談專業, 不談八卦的娛樂資訊網站。