黃劍文生日為粉絲搞小型音樂會

歌手黃劍文8月5日生日,日前與粉絲舉行派對,他更唱足全晚滿足Fans要求,更邀請新歌”人間飄浮”編曲人KTSANG 鋼琴伴奏。劍文笑言每年都與Fans共渡生日,羅沛淇、林希靈、陳安立、劉智衛亦應邀出席,林希靈更自製「醉愛黃劍文」燈牌,而劍文的家人亦出席參與令他感到驚喜:「起初我都係問吓佢地嚟唔嚟,點知佢地一口答應,有屋企人陪住過生日一定特別開心!(生日有冇被長輩催婚?)我地家族好大,佢地已經好多『孫仔』要見面,所以唔會逼我,反而比我自由咁追夢。」

半百粉絲出席派對,黃劍文亦唱足十多首歌報答歌迷,猶如小型音樂會。劍文就話有Fans送上結他作為生日禮物,大手筆令自己嚇一跳!他表示隨後即將趁美工作,但揚言「速去速回」不趁機旅遊:「因為家中貓貓都病晒,所以都唔想去,但人地邀請咗幾次唔去唔得,所以靠經理人幫手日日餵貓,我叫佢不時拍片、視像通話,我應承咗啲貓貓,一做完嘢就返嚟陪佢,所以唔會考慮玩多幾日。」

早前紅館發生意外,劍文坦言擔心傷者情況,但他認為純粹個別事件:「因為香港整體表演場地都係安全嘅,所以再去表演都唔會太擔心。呢刻大家比多啲空間傷者同家人,亦比啲時間MIRROR成員消化成件事,比啲空間佢地。」

浩楠

Stars-hk 創辦人, 希望建立一個只談專業, 不談八卦的娛樂資訊網站。