黃妍《一日妍究生》挑戰肚皮舞 破手腳不協調之咒

繼跟羅家英學習初階粵劇後,向來自嘲手腳不協調的黃妍(Cath),最近在拍攝系列短片《一日妍究生》時挑戰肚皮舞,結果被老師讚賞她跳得好,而上堂過後,Cath更對跳唱不再那麼抗拒,甚至預言觀眾或有機會可以看到她在台上載歌載舞的一天。


Cath在學習肚皮舞前覺得極難,她說:「我以為肚皮舞係要用個肚郁動全身,但原來係用腰嘅肌肉、腳去帶動肚郁動,所以係我覺得有趣同埋唔知道嘅事情,比想像中容易。」向來手腳不協調,對任何舞蹈都唔能夠拿捏的Cath,經老師指導後,都變得似模似樣,不過起初Cath仍然很懊惱,更說:「老師將所有Step(步法)拆到好細,等我可以逐步去做,但最難都真係要記Step,嗰日全場Crew都記得晒啲Step,我都仲未記得。」

Cath的另一「學習障礙」,是她對性感打扮的不習慣,她說:「本身拍攝當日特登著咗一條運動褲,同事都話著T恤紮返高唔使我著嗰啲好sexy嘅衫,但因為郁動時都真係著返條裙同埋有啲閃閃同發聲嘅裙仔會好睇啲,所以就換咗,一開頭就好尷尬係咁笑笑笑,因為見肚就好尷尬,成日覺得自己好肥,但著完返出嚟,真係學緊時就唔記得遮肚。著到出嚟時都好唔自然地不斷遮肚,但Run落要去著重點樣可以做到個動作記個Step後,我就Focus(集中)點樣可以做到動作,就已經唔記得咗,冇再摸住個肚。」

一直都自嘲手腳不協調的Cath,當日最終得到老師的認證,認為她還可以,即時十分高興,更說:「老師話我都唔係手腳唔協調,平反咗!好感動!有返啲信心,同埋係冇諗過自己一嚟就可以做到蛇手嘅動作。對於自己原來可以跳到舞,當然拍攝當日唔係跳得好激烈,但都Surprise,所以之後都可以嘗試,因為以前一諗舞蹈,一嚟就落閘,就會話做唔到,我搞唔掂唔試,但試完之後都真係覺得可以嘗試,都幾好玩,但

原來好攰,一開頭做熱身動作已經流晒汗,不斷用肚嘅力,係可以媲美做HIIT,好快就可以有腹肌,仲要係側腹肌,好犀利。」

既然不抗拒跳舞,那麼Cath對於跳唱可有一個新的睇法?Cath傻笑道:「我依然覺得一路跳一路唱係一件好困難嘅事,對於點樣用氣唱得好靚係好大挑戰,所以極度佩服可以跳唱嘅歌手。係可以練下囉,但唔係短期內嘅事,所以大家唔使期待住,哈!」

浩楠

Stars-hk 創辦人, 希望建立一個只談專業, 不談八卦的娛樂資訊網站。