《被消失的凶案》眾演員為保持神秘感保密角色命運 6月16日今日上映

影視點制作有限公司出品、羅守耀身兼老闆、編劇、導演的懸疑電影《被消失的凶案》,由張兆輝(輝哥)、陳靜Dada、洪天明、任達華、邵美琪、林雪、何華超、Joe Junior、張達明、車婉婉、梁敏儀、湯沛宜、羅頌欣Debbie、林寶玉、蘇家樂、胡俊軒、馮皓揚、顏子菲及黃翠儀等等聯手演出。電影假奧海城The Sky戲院舉行首映禮,導演與一眾演員盛裝出席,不過活動上眾人一直對片中人物角色之間中千絲萬縷的關係故弄玄虛,刻意為電影保留神秘感,不過他們都分享了今次拍攝《被消失的凶案》時的難忘經歷,而輝哥則代表電影團隊,於今晚現身澳門首映禮,與影迷會面,而因工作關係仍身處內地的天明,但遙遠祝福電影大賣。

《被消失的凶案》繼續保持一貫羅守耀導演的創作風格,血腥、暴力絕不留手。故事講述大廈重建,一具被深埋八年的人體殘肢被發現,警方鎖定是死者刀疤勇(何華超 飾)前妻言鳳萍(Dada 飾)與同屋主爛面超(洪天明 飾)通姦殺人,惟在警方再三調查下,疑點重重變成懸案,凶案似是被消失得無影無蹤。其實電影概念源於20年前羅導演聽到一些有關80年代一宗轟動全城的水箱藏屍案的幕後秘聞,因而引發其創作思路,羅導演說:「20年前已經構思呢個劇本,但最後前年先拍,因為要拍純港產片先唔洗理其他市場或者送審等等問題;電影同水箱藏屍案毫無關係,只係創作念頭由水箱藏屍案而起,呢單案最為人津津樂道係高等法院嘅判決,7名裁審員都裁定殺人者無罪,某程度上引發咗我嘅創意。」

由於片中各個角色關係環環緊扣,所以眾演員在首映禮上都未有交代太多角色上的細節,反而分享了在片場中鮮為人知的一面。其中有份調查這宗被消失的凶案的Maggie、婉婉及Joe Junior,均表示被對白難到,其中Maggie回憶道:「今次唔使體力勞動,但我要用兩日拍78頁對白,當中好多案情分析,好多資訊都係唔可以講錯,一Roll機就似考試,但一Cut機就似考官同你講,夠鐘Pens down,呢個感覺真係好難忘。」婉婉也表示:「導演喺開拍之前突然加咗一堆對白俾我,當日我同輝哥同Joe哥要排排坐一齊背稿,感覺好似去咗自修室溫書一樣!不過呢啲都係大家齊人現場再同導演溝通嘅改動,係好事為部戲好。」Joe Junior也表示因為夜瞓,於現場再要背誦長長的對白,都有點頭暈。

至於在《被消失的凶案》中扮演夫妻的Dada及華超,都有不少難忘經歷,其中Dada回憶說:「有一場佢叫言鳳萍快啲嚟,我都覺得驚,好入戲!同埋戲中我塊面因為成日俾華超虐打,搞到唔同位置都有小疤痕,但導演想自然啲,所以都係淺淺地,唔知大家睇戲時會唔會見到。」至於華超,他的角色雖然經常虐打Dada,但他在拍攝時倒是真的被毒打至受傷!華超回憶說:「我有一幕就係俾林雪飾演嘅肥威嘅手下拳打腳踢,但意外落地嗰下令肋骨裂咗,休息咗陣唔想影響進度繼續拍攝,但到夜晚開始呼吸都痛,劇組即時送我入院至知裂咗肋骨,要休息一個月至可歸隊拍攝。」華超親身上陣演繹武打場面,專業精神可見一斑,不過由於片中講述華超飾演的刀疤勇被殺害,所以在查案過程中會談及他的被殺過程,導演為免傷及華超,特製了1:1特製道具屍體!華超笑言像真程度極高,難辨真假!他說:「我自己見到佢個樣同我嘅相似程度都嚇一跳!大家睇戲時,可以搵下邊一個shot係呢個假華超代替我演出。」

《被消失的凶案》將於6月16日上映,敬請密切期待!


浩楠

Stars-hk 創辦人, 希望建立一個只談專業, 不談八卦的娛樂資訊網站。