黃劍文拍網片食足六餐 月底出新歌《人間飄浮》靠食攞靈感

疫情日漸緩和,歌手黃劍文與紅酒KOL May Wong日前拍攝「香港零售科技商會」網片,尋覓香港美食為餐飲業復甦打氣。期間黃劍文到訪日本餐廳,他更要「品嚐」新鮮南美海膽,少吃魚生的劍文面露難色,場面相當搞笑:「因為我以前好少食海膽嘅,慢慢配埋壽司飯都可以接受到,頭先導演要我一大舊咁食入口,啲味濃到『漿』住個口講唔到嘢。經歷今次之後接受程度係高咗嘅,見到好多手足都買翻屋企,搞到我都心思思想再試吓。」


二人要拍攝多間餐廳,期間劍文「打真軍」食足六餐,更為工作人員加餸非常開胃:「得罪講句呢……其實我係食極都唔肥嘅,反而呢刻係想增磅嘅,所以拍飲食節目真係難唔到我,不過我唔敢同人講,因為咁囂張怕比人打。嚟緊月底我都會出新歌《人間飄浮》,有時都會靠暴飲暴食攞靈感,如果成續好而疫情又OK嘅,我就請Fans食餐勁嘅。」」

節目中有介紹紅酒部份,黃劍文就話自己易醉唔敢開懷大喝,KOL May Wong就話對方「講大話」:「佢邊係易醉啊!劍文話飲醉會亂講嘢之類,但今日我地由朝飲到黑,佢都仲係好口齒伶俐,睇怕佢怕醉等人『隊』佢,咁咪可以飲多兩杯囉。」

浩楠

Stars-hk 創辦人, 希望建立一個只談專業, 不談八卦的娛樂資訊網站。