《陳柏宇 Jason Chan – FIGHT FOR Live in Hong Kong Coliseum》Boxset推出 拍片示範隨碟附送Card Game玩法

陳柏宇(Jason)的第二個紅館個人演唱會《陳柏宇 Jason Chan – FIGHT FOR Live in Hong Kong Coliseum》CD + BLU-RAY Boxset在眾多樂迷的期待中,終在上星期正式面世,想不到推出一星期後便傳來喜訊,銷量報捷稱冠!不少歌迷除了熱論睇碟可重溫當日睇騷的感動,更紛紛出po講盒內的Card Game,成為歌迷之間的熱話。


Jason上星期趁着Boxset推出,除了在社交平台玩直播開箱,又親自落旺角的實體CD店簽碟,對於演唱會BLU-RAY由預售到推出都獲歌迷熱烈支持,他當然開心!「梗係開心啦!因為個演唱會真係好正㗎,哈哈!其實除咗可以俾粉絲睇碟重溫,有啲粉絲可能當日嚟唔到嘅,都可以睇碟補數,亦可以俾佢哋睇清楚啲Detail位,睇到我哋喺演唱會上花嘅心機。如果大家可以喺個大電視度播,都一樣有現場感㗎!喺屋企睇,仲可以隨意尖叫,約埋家人朋友一齊睇又得,係咪好抵先?但記得唔好嘈到隔籬鄰舍囉……」

雖然Boxset比原定時間遲了推出,但不少歌迷都表示「值得等」!皆因Boxset的製作精美。其實今次的Boxset除了有得聽(CD)和有得睇(BLU-RAY)之外,更有隨碟附送、不作散賣的Card Game,該疊卡上有不少「點醒」名言,Jason希望粉絲在有煩惱時,可以抽出卡牌找「答案」,如同他在大家身邊,為大家解疑難一樣。很多歌迷都玩個不亦樂乎,雖然有部份字句讓人摸不着頭腦,但似乎也配合Jason的「陳伯」風格,歌迷們十分受落。

而Jason為了讓大家清楚了解這份Card Game的玩法,更特別拍片放在其YouTube頻道中,親自示範。他預先收集網民問題,並代為抽牌,得出結果後,加上「陳伯」的獨特見解,希望可以為網民解疑難。起初Jason都講得幾中,似模似樣,但後尾越抽越「出事」,他更奸詐得重新抽牌,當他發現未能自圓其說之後,竟然像小孩一樣「飛」走手上的卡。Jason最後更「問」到底自己手上的Card Game能否取代到塔羅牌,甚至讓他成為新一代算命師,十分搞笑!

Jason在片尾更搞笑地「逆向銷售」,以Card Game吸引粉絲買碟支持。《陳柏宇 Jason Chan – FIGHT FOR Live in Hong Kong Coliseum》CD + BLU-RAY Boxset由於產量限定,市面只餘少量現貨出售,欲購從速。

浩楠

Stars-hk 創辦人, 希望建立一個只談專業, 不談八卦的娛樂資訊網站。