黃建東攞「最具創意藝人大獎」食勻全港

藝人黃建東 (東東) 自從二次創作日本洗腦神曲 PPAP後一直創意不絕,無論是拍片抑或平日社交媒體上的發佈都非常搞鬼,所以最近獲媒體頒贈《最具創意藝人大獎》,令東東非常開心:「很感動可以獲得認同和鼓勵,自己天生個腦一直都有呢啲搞笑點子,希望可以多產一點拍多啲為大家帶來歡樂嘅片。」

除咗攞獎之外,東東仲做埋頒獎嘉賓一日內走勻全香港不同餐廳頒發《來港必吃食店大獎》,所以受到各得獎餐廳的款待:「一日內食咗著名嘅漢堡包、拉麵、小籠包、雪糕等等,真係飽到上心口。我唔敢話俾我健身教練知驚俾佢鬧,唯有第日靜雞雞不停跑步消耗返。」

小籠包餐廳邀請東東入廚房跟大廚學整小籠包,而台灣餐廳亦邀請東東客串擔任收銀員,令他又玩又食獲益良多。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。