【UTO電影】黃文標:20萬拍電影?拍劇都吾夠!

【UTO電影】近期城中熱話,由平和基金資助20萬拍攝戒賭電影,《青春戰記2來得及再愛你》,在灣仔藝術中心古天樂戲院舉行第三場首映優先禮,導演賀峰,男女主角劉頌鵬和陳貝怡,劇中飾演爛賭爸爸嘅黃文標和唱電影主題曲嘅陳卓瑩齊齊出席。

剛拍罷青2,還有趕其他電視劇,近期睇中家居清潔市場,開始同朋友合資搞《水觸媒》生意,暫時剛剛起步,但相信稍後會成功,因為污染嚴重,清潔環境十分重要。

標哥作為前輩,過足戲癮之餘,更大讚飾演仔仔嘅男主角劉頌鵬和女主角陳貝怡很有禮貌,尊重前輩。其實標哥戲份很重要,就是因為角色係嗜賭成狂,而引致整個故事發生。標哥表示係第二次做老豆,並讚劇本寫得細緻,令自己發揮得好好。另坦言賀峰導演十分大膽找自己做老豆,而不是戲中收數佬,感覺很新穎,亦感謝導演給予機會改邪歸正。

完場分享時,有觀眾好奇問標哥,角色係愛老婆仔女,但又爛賭,收到劇本時有無覺得矛盾?標哥講一個專業演員,要自己代入角色,收到劇本就要消化,roll機就要演,如果每次都要導演講明白,就吾專業囉。

標哥笑言講予盾,自己明明精通賭術,但導演卻講一場賭戲都無,好矛盾,用20萬拍一部90分鐘電影,拍一集電視劇都吾只呢個數啦,超級矛盾吖,但真係拍到電影啵,亦好好睇,好有誠意,直情係終極矛盾。