[霜遇在這] 在海上來個「優遊饗宴」吧!

0
33

見到好多學生放緊暑假,身為打工仔,唯有約朋友食下好野,比自己休息下!朋友發現DK推出以大海為主題既「優遊饗宴」,聽個名就令我覺得自己好似約左一班朋友去海灘玩、游船河咁。

DK一向都係推出精緻既Tea Set較多,無諗到今次既「優遊饗宴」就豐富到好似晚餐咁!

店員將「優遊饗宴」拎黎時,真係令人覺得自己係到渡假,感覺好似係海灘上食海鮮,仲帶埋自己既狗狗去。

一如以往,要抽Magic Card,今次抽到係Happy,所以我要好好回想下最近咩事令到自己我到快樂,點先令到自己更快樂。唔同Magic Card配唔同香薰,之後聞住山雞椒既氣味,就開始我們既海上Party。

食物都係分左咸甜兩類,咸點主打海鮮,有美國緬因州龍蝦、北海道珍寶帶子配薯餅同珍寶青口。小食就有車打芝士、沙立美腸,蔬菜脆片和烤包配牛油果醬及乳酪醬,仲有非常香濃既黑松露牛肝菌湯。

海鮮份量全部都係重量級,珍寶青口鮮甜美味,最吸睛莫過於係美國緬因州龍蝦,足足有前臂咁長!店員提及到係用左特急18分鐘既冷凍技術,先可以保持肉質彈牙、鮮甜。仲有我最中意既北海道珍寶帶子配薯餅,帶子大隻又鮮嫩,薯餅整得好香口!


之後有蔬菜脆片,有冬菇、秋葵、士多啤梨等等,口感好似薯片一樣。但相對黎講健康得多,因為係用真空處理而成。

但我朋友覺得比較特別係烤包配牛油果醬及乳酪醬,係平時少食到既食物。烤包口感較為韌,但點牛油果醬及乳酪醬,味道都幾清新,同時都好飽肚。

黎到呢到,就係萬眾期待既甜品時間。今次有狗狗造型的白朱古力、開心果朱古力蛋糕、香芒芝士蛋糕,開心果馬卡龍同蛋白糖餅。狗狗手工好精細,但原來入面係脆卜卜既米通,配上白朱古力,幸好唔算甜!見到狗狗下面有餅碎,店主就話,其實概念係係炎炎夏下時,帶狗狗到沙灘玩既情境。

開心果朱古力蛋糕偏甜,朱古力味濃郁。相反,香芒芝士蛋糕有淡淡芒果香,味道有少少酸,整體無咁膩。


呢個「優遊饗宴」真係令到我好滿足,唯一就係時間唔岩,去唔到店既海上「優遊饗宴」,因為只有幾場,好可惜,真係唯一的美中不足!

NO COMMENTS