譚盾樂繫心弦 雷晴雯感受深

藝人雷晴雯 (Winnie) 早前分別出席了國際知名作曲暨指揮家譚盾的21世紀青年音樂計劃「譚盾100面對面」講座及大師班,並欣賞了譚盾加上國際知名小提琴大師姚珏,率領由她創立的香港弦樂團,且聯同香港八大院校精英所組成的「21世紀聯校樂團」,共同攜手所演奏『超時代音樂會 • 譚盾』的精彩演出。

蜚聲國際的小提琴大師姚珏與她創立的香港弦樂團一直致力推動香港弦樂發展,與多年來全心推動香港舞蹈藝術不遺餘力並創立《舞影藝文》頻道的Winnie可謂同道中人,同聲同氣自然能成為好友。

Winnie打趣說演奏會當晚是畢生首次奉旨開住手機睇演出,更可於演奏會期間齊齊以手機玩互動,直呼構思妙絕:「平時未開場已經被叫熄手機,今次入場前工作人員反而不停請觀眾記得先下載手機程式同入場後一定要開住電話,演出時由譚盾老師指揮住觀眾輪流播放手機程式中的音樂,再配合台上樂手的弦樂演奏,令人耳目一新。而且當晚仲可以欣賞到由譚盾老師為《英雄》、《臥虎藏龍》等經典電影所創作嘅電影配樂現場演奏,加埋現場播放嘅電影畫面,絕對可以用震撼嚟形容。」

「譚盾100面對面」講座及大師班,(左起) 新晉年青指揮Michael、中國當代琵琶演奏家趙聰、國際知名作曲暨指揮家譚盾、國際知名小提琴大師暨香港弦樂團藝術總監姚珏、藝人雷晴雯。

對於出席譚盾的講座及大師班,Winnie坦言譚盾的一席話令她感受甚深:「譚盾老師於演說中不斷強調父母逼迫性的壓力絕對無助於小朋友嘅藝術發展。喜歡藝術嘅人本身心裡面都有一根弦,叫做「心弦」,而音樂所包含嘅道理其實亦全部存在於生活之中,與生活息息相關不可分割,所以先要將藝術同音樂視為一種喜悅、活動、興趣及愛好,將它變成生活,令小朋友願意主動進入探索裡面嘅世界,並將古今中外嘅藝術音樂文化連繫埋一齊,使之變成一種有趣好玩嘅遊戲,咁先可以令更多人愛上音樂同藝術。而當每個人都愛上音樂同藝術嘅時候,全世界任何國家任何地方都一樣可以成為維也納。」

譚盾以手機與觀眾一起互動演奏,拉近與觀眾距離,Winnie對這特別構思極為欣賞,更笑言讓她有穿越古今之感。

譚盾的一番肺腑之言卻勾起了Winnie童年的虎媽回憶:「細個有段時間好鍾意彈鋼琴,後來有得學本來好開心,點知最後因為每日做完功課就即刻被媽咪迫練琴,而且練親都起碼一個鐘起跳,加上媽咪自己識彈琴,我彈得唔好佢真係會拎鐵尺入琴房打我手心,到最後真係見到鋼琴同琴譜就驚。」一向對推動舞蹈及文化藝術不遺餘力的Winnie表示現今社會小朋友所面對的學習及功課壓力早已超越成年人,藝術本為陶冶性情,應以輕鬆快樂的情緒及心態去享受箇中樂趣,如譚盾所言,將其融入生活當中,而非強制性接受,才能真正感覺及體會到當中的真善美。

 

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。