雷晴雯讚好《微微一笑很傾城》反遭霸凌 諷恩師羅冠蘭劉兆銘九流垃圾爆怒掀筆戈

winnie_ (7)
無線買播映權嘅外購劇口碑一向麻麻,難得揀中一套《微微一笑很傾城》叫好叫座,J5播仍大把人追住捧,劇中男女主角楊洋鄭爽即時成為男神女神。但點都估唔到,劇紅都可以無呢嗱更害到香港自己人。

藝人雷晴雯 (Winnie) 早被公認才女一名,既是美容專欄作家,亦是藝評人,編輯作品更於台灣誠品全數賣斷市。閒時常於網上分享散文,點知今次隨手寫寫《微微一笑很傾城》就即刻出事!慘被劇中男女主角楊洋與鄭爽的粉絲瘋狂攻撃其微博與私訊超過48小至今仍未平息並越演越烈,令Winnie大叫救命。

「我完全唔知發生咩事!睇完套劇覺得係近年難得嘅愛情小品,好自然職業病上身寫咗兩篇隨筆放微博分享下感受,點知upload 完唔夠十分鐘就開始收到自稱兩人粉絲嘅惡意留言同私訊,粗口詛咒辱罵乜都有,又問我憑咩身份同資格去寫兩位演員,最荒謬嘅係我寫個觀後感就認為我同兩位演員係朋友,話我知道好多秘密,仲老屈我話我夾硬將兩位演員綁堆一齊,一晚之內留言私訊瘋狂轟炸過千個,我見唔對路已經以最大嘅耐性平心靜氣可以解釋嘅都盡量解釋,我刪粗口穢語嘅速度簡直係要同佢哋啲粉絲鬥快!但最荒謬就係我只不過一個觀眾睇完套劇寫咗幾句感言,完全唔知佢哋憑乜嘢一口咬定我現實生活中同楊洋鄭爽口味素中係朋友,一啲就叫我無論如何叫佢哋唔好分開,一啲就鬧我賤人話我好幫佢哋喺埋一齊,仲叫我挖定墳俾自己!簡直匪夷所思到完全無語!」

winnie_ (8)
Winnie表示曾以不同途徑試圖聯絡兩位演員經理人希望低調解決卻一直不獲回覆,事件無法平息反而越演越激烈,Winnie 最終忍無可忍,被楊洋及鄭爽兩人粉絲無間斷式網絡霸凌40多個小時後,終於忍無可忍於微博發表長篇聲明,再三重申其身份職業與立場之餘並怒斥雙方粉絲群肆意誣衊對其強作失實指控,故意挑釁、行為野蠻、荒謬無理,甚至離譜到有90、20年後「嫩粉」詆譭其戲劇老師並要重新「教」Winnie做戲,此舉最終引爆Winnie怒火:「發完聲明後我收到啲更不可思議嘅留言同私訊,話我藝人同編輯身份都係老作,話無聽過劉兆銘羅冠蘭,肯定係啲垃圾老師,連我之前上載嘅東方網上新聞都話係我故意做假『呃粉』,根本就無呢份報紙,仲兇我叫我『別妄想』利用佢哋男神楊洋『抓眼球』搏出位!好老實,佢哋講我咩我都可以盡量去忍同努力寬恕,但佢哋竟然侮辱 Ming Sir 同 Miss Lo 話佢哋係垃圾老師!我真係想問佢哋係咪有病囉!大家都係演員,Ming Sir Miss Lo 去到邊佢哋都係德高望重嘅前輩同老師,Ming Sir仲要咁錫我,呢個公道唔我討我仲係人?」
winnie_ (1)

Winnie過去曾多次擔任不同名人的 Fan Club 要職,卻從見過如此幾近瘋狂的有組織一窩蜂式毀滅式惡霸,Winnie說完全令她大開眼界!問Winnie何不索性刪帖把微博關掉,Winnie卻理直氣壯回應:「我無做錯任何嘢我點解要刪 Account?今日息事寧人只會助長呢啲惡霸,搞不好下次又唔知邊個會無辜遭殃!士可殺不可辱,大家都係演員,人紅唔係大晒!點解佢地粉絲做錯反而我要先認低威?我都有尊嚴!認低威絕對無可能!」

據了解雙方粉絲對Winnie的微博及私訊仍處於持續霸凌當中,Winnie礙於她是林志穎香港分會幹事之一,而當中不少粉絲都是學生及年青人,為免大家看到不良言語她只能不斷與貼文的霸凌粉絲們鬥快刪文,並逼於無奈請朋友登入其帳號幫忙刪走留言。但縱然怒火中燒,Winnie仍不忘留言感謝她自己的粉絲對她的支持及維護,更不忘保護「JL家」的家人,再三叮囑不准大家淌這混水。難怪亦有不少楊洋與鄭爽的粉絲對她讚譽有嘉,紛紛留言安慰支持並對Winnie被「自己人」霸凌感到無比心痛。

記者睇完Winnie微博都覺得成件事匪夷所思到極點,睇完套劇網上寫兩句咁就俾人無止境咁持續霸凌,都真係幾恐怖!希望楊洋鄭爽嘅經理人收到訊息後可以請兩位男神女神出面講返句公道說話,否則劇名《微微一笑很傾城》都真係可以改成《微微一笑很霸凌》。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。