蕭定一設宴「鮮入圍煮」 為 《十月初五的月光》 慶功

ZDSC06785

前日(25日)老細蕭定一係旺角鮮入圍煮設宴慶功打邊爐,慰勞一班演員辛苦為電影宣傳。出席演員有佘詩曼、張智霖、薛家燕、江美儀、呂慧儀、馬海倫、張建聲、張松枝、田啟文、胡渭康、梁健平及葉念琛導演。

DSC06643

《十月初五的月光》電影上左兩個星期,香港票房:九百幾萬未夠一千萬,中港臺票房:五千萬人民幣,阿佘點睇?
阿佘表示都好開心,算合格,希望會更加好些。我哋已穿州過省進行了一連串嘅謝票活動,一日行八間戲院宣傳辛苦過拍戲,但好開心係戲院見到觀眾們歡迎我哋,給予好大動力,辛苦都值得。因為國內上映嘅院線唔多,暫時票房只去到呢到,希望觀眾睇多幾次多多支持。

記者:Winnie Chiu

DSC06662

有網友投訴部電影爛尾
阿佘表示:每個人都有唔同嘅口味,睇戲呢D係好主觀嘅,佢聽到嘅口啤網上評語都好正面,有十五年前的感覺回憶。當然唔係每部戲都啱曬全部觀眾,今次未滿足到果位觀眾嘅,希望導演可以接受多D意見,拍一D啱果D觀眾的戲。

DSC06699

張智霖Chilam預告明年一月十六日會在廣州開演唱會,銷情好好,仲話大家都想佢加D《十月初五的月光》元素。
會唔會邀請阿佘做嘉賓?
Chilam話:知道阿佘好忙,同埋對方私底下同佢講過唔識唱歌。
咁有冇聽過阿佘唱歌?
Chilam就話:識佢咁耐都冇聽過佢唱歌
咁老婆袁詠儀會唔會去撐場?
Chilam話:有屋企人同我一齊參與我會唱得更加安心。

DSC06726

Chilam指食完今晚慶功宴就要進行地獄式減肥,佢笑話:冬天食太多最難減,巡迴演唱會會用番上次D衫,唔想改衫,呢樣都係原動力。

DSC06732

家燕姐今天好開心出席慶功宴,非常嘅贊同你三我四共同撫養小朋友。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。