唐貝詩、陳嘉桓、妹頭遊廈門沖繩

IMG_ (25)

唐貝詩(Lydia)早前聯同陳嘉桓(Rosa)和妹頭先後到廈門及沖繩拍攝有線節目《3S放大假》,三位靚女在六日內乘坐遊輪穿梭中日。

IMG_ (11)

之前Lydia勤練瑜伽及做運動,成功踢走10磅,所以此行她水着上陣同陽光玩遊戲亦盡顯keep fit成果,既性感又健康。

IMG_ (20)

攝製隊抵達首站廈門鼓浪嶼後,Lydia披上婚紗在沙灘扮走佬新娘,雖然當地天氣酷熱,但無損逛街心情,Lydia直情瘋狂掃貨,「我都好enjoy,因為我鍾意行啲有文化特色嘅舖頭,嗰邊買嘢好平,30幾蚊買到條民族裙,拖鞋又係30幾蚊,幾蚊就買到花環頭飾,亦唔少得綠豆餡餅呢啲手信。」購物期間,Lydia接到任務要「3S」各自以二百元購物,以買得最多者為之贏,Lydia笑說:「原來自己格價都幾有天份,我睇中咗條裙,但店主企硬最後冇買到。」

IMG_ (7)

其後Lydia隨隊於船上拍攝,包括穿着兔仔衫溜冰,又去人造滑浪場滑浪,「好刺激呀,我玩咗兩次好好玩,但已經係瞓厲頸感覺。」她又試玩海底電單車,雖然這部電單車龜速行駛,但Lydia依然難忘:「落到海底見到啲魚游來游去,伸手摸到佢哋,好得意。」

IMG_ (22)

攝製隊其後轉戰沖繩,Lydia也在當地學踩單車,由唔識學到識。其實今次旅程,Lydia試玩了不少運動,經過連日體力消耗,她亦不待薄肚皮,大啖沖繩特色食品花生豆腐、當地特產如菠蘿、海葡萄、紫薯及黑糖班戟熱狗等,令她相當滿足。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。