吳雨霏「Kary阿婆look」拍廣告

日前,吳雨霏(Kary)拍廣告挑戰一個前所未有的高難度角色,扮阿婆!這次廣告公司找來一班YouTube網絡界紅人聯同Kary拍攝一段整人短片,故事中Kary從頭到腳大變身扮阿婆,目的是整蠱其他人。

入行以來從未試過扮阿婆, 事前Kary直言:「好興奮,好想知自己老左個樣會變成怎樣,一定會好好玩!」花了3小時改頭換面,將眼袋無限加深,畫上虎紋和無數皺紋在面上,更戴上假髮和老花眼鏡,連 Kary自己邊上妝都邊叫:「救命!好樣衰呀,真係一個阿婆樣,哈哈!」不僅樣貌被醜化,就連「裝假狗」也不放過,放了一個假肚腩在內,令整個造型更神似!

「Kary婆婆」一出場即令所有工作人員目瞪口呆,繼而大笑,Kary隨即用老人家口吻說:「你地笑咩?阿婆最怕嘈,你地一直笑我點休息?」變裝後的Kary十分專業,即時入戲,舉手頭足都像阿婆「上身」一樣,被工作人員大讚:「駛唔駛咁入戲呀?簡直無得輸!」。

到真正埋位時,Kary簡直豁出去,為了令整蠱效果更逼真和有趣,她向其他演員「挑機」,即場做出幾個高難度的瑜珈動作,「阿婆不是浪得虛名,雖然年紀不輕,但身體依然柔軟,分分鐘比你們年青人還要厲害!」Kary扮婆婆說。她更臨場即興大跳Hip-hop,在場人士包括導演都嚇呆了,加上當晚是通宵拍攝,大家都沒有預料到Kary可以如此大膽和專業,令所有人十分佩服!

最後,是次整蠱計劃當然是大成功,被玩者到揭盅一刻才驚覺這位飾演瑜珈大師和跳舞高手的老婆婆竟然是吳雨霏!被玩者不懂作出任何反應,完全啞口無言,如此成功,難怪Kary都不禁沾沾自喜地說:「比人玩就試得多,有機會比我玩人喎,仲唔玩到盡,有機會一定要再預我!」

浩楠

Stars-hk 創辦人, 希望建立一個只談專業, 不談八卦的娛樂資訊網站。 STARSHK 總監, 星雨文化 董事, 藝人及名人管理, 項目:OTO 平台Artist-HK,活動統籌,