Kevin仔夾埋何超儀玩爆李燦琛

Kevin仔 到茜利妹及李麗蕊主持的電台節目《喜劇之王》受訪,Kevin仔坦言十分緊張,他謂:「Sara(李麗蕊)係我偶像,我以前喺澳洲都有買佢唱片,估唔到多年後有機會做佢節目嘉賓!」又話:「Sara keep得超好,同我以前睇佢一樣冇變!」李麗蕊作狀喊打:「我其實出道早(15歲),分分鐘細過你呀!」

Kevin仔又大爆與茜利妹多年前相識經過:「可以話係『不打不相識』,當時年紀小,皮氣衝動,有一次喺一個band show誤打茜利妹個朋友,然後佢(茜利妹)幫拖出頭,我地就開始網絡罵戰,越搞越大!後來我知錯,短訊同佢道歉。」

茜利妹:「我當時勁『淆底』,佢又成身紋身又係band友又打人,之前又爆粗鬧得我咁『恆』,忽然間道歉!最驚係,佢點解會有我電話㗎?!幾驚佢『僕』我呀!勁驚!(不過現在超friend)」

Kevin仔回應:「我應該係問Kary(吳雨霏)攞你電話嘅,佢當時都有勸我同大家道歉,收殮皮氣。」

Kevin仔後來把這種火爆、愛得罪人的性格,用於其紅爆網絡短片《玩爆你個腎》系列,更引來Paco(黃柏高)青睞,簽為旗下藝人。

Kevin仔憶述:「《玩爆你個腎》最激一次,應該係夾埋何超儀玩李燦琛,當佢地喺餐廳傾緊嘢,忽然有幾個持械賊人殺入去打劫,何超(儀)交晒戲,危急中示意琛仔(李燦琛)反抗,當時琛仔個反應雖然好驚,但都算鎮定。我地好認真,之前何超(儀)仲專登跟龍虎武師上堂學打筋斗!超逼真!」問到李燦琛有否真的被激怒,Kevin仔回應:「其實都有,講真,都算係『爆腎』咁多次,唯一一次嘉賓『堅嬲』,玩大咗,之後都有道歉。不過,已經friend番,男人嘅嘢,OK嘅!」

何超儀、李燦琛《玩爆你個腎》 YouTube

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。