濶別香港歌迷接近3年的側田，今年5月重踏紅館舉行「命硬演唱會2013(香港站)」圓滿成功，主辦單位再下一城，宣布於今年8月29日加開演唱會Part2，名為「側田繼續命硬演唱會」，優先訂票反應熱烈，日前公開發售更火速售罄，身在馬來西亞雲頂舉行巡迴演唱會的側田，知道喜訊後非常興奮，第一時間打電話向身在美國的媽咪報喜。
側田日前到馬來西亞的雲頂星劇場舉行「命硬演唱會2013(雲頂站)」，全場座無虛席，無論廣東歌、國語歌，甚至英文歌，歌迷都一邊揮動螢光捧一邊大合唱。最近積極修身的側田，穿上紅色格仔西裝顯得份外醒目。期間他跳落台握手和收禮物時，被熱情的歌迷拉住放，要保安員出手，他才不至被扯入觀眾席，非常搞笑。演唱會尾聲時歌迷意猶未盡，大叫「安哥」不肯散場，預先準備的歌都唱完，他就玩即興點唱，臨時加唱《美麗之最》和全新快歌答謝支持。當中尚未曝光的新歌的歌詞提到Johnny Depp、周潤發和梁朝偉等國際級型男，雖然只是唱了幾句，但台下歌迷都站起來跟著他扭動身體跳舞，全場high爆！
演唱會後，側田坦言搶先唱新歌是臨場爆肚，他笑說：「首歌新到連名都未定，真係首度曝光，因為我見到台下觀眾反應太high，好興奮，好想盡快同大家分享，哈哈！ 總監和導演等都唔知道，事前無準備，純粹即興，不過最近成日練歌，大家好快夾到！」新歌提到世界各地型男的名字，不怕辣辣他們粉絲嗎? 側田搞笑地扮chok樣說：「點會呢?！我讚佢哋有型靚仔又踩自己，唔會詐型啩?！哈哈，其實歌詞意思係無論我唔及佢哋咁高大靚仔，但畀一支咪高峰我企上舞台唱歌，嗰一刻我就係全宙宇最有型。寓意每個人都有自己既專長，只要畀心機去做，人人都可以係no.1，係一首發放正能量既歌！」他還透露已為新歌排舞，所以最近忙著練習扭腰又扭籮！
對於本月底香港演唱會Part2門票火速售罄，側田表示好開心，他說：「我第一時間打去美國向媽咪報喜，佢又拉隊同妹妹等飛返香港捧我場。(女朋友來看嗎?)不來了，佢有工作。」側田初入行時在前輩演唱會做嘉賓一鳴驚人，因此他在自己的演唱會上邀請一位新人參與，籍此秉承提攜新人的精神，這次邀請了哪位新人?側田大賣關子：「名字唔公開，希望畀入場歌迷驚喜，只可以透露佢又靚女又好身材仲好唱得，我都驚畀佢搶晒鏡，哈哈！」
