[K韓旅行社] —– 海鮮店「오대양횟집」

有次aki心癢癢join左個one day tour,其中一餐海鮮宴又真係幾唔錯!即使好似唔太食得海鮮既我,都有野食仲要飽個下都幾神奇!

一落車,就見到店外大大隻長腳蟹招牌,唔知以為係大阪搬左過黎做「韓國版」!呢間食店樓高兩層,上到樓上,都令我幾震撼!全部都係大玻璃,無敵東海大海景!對住黎食飯都仲真係幾爽歪歪!大廳中間仲有間和式房仔,幾好Feel架真係!但我地當然成大班人當然坐出面啦! 

一坐底,阿珠媽們就開始不停上小菜,但呢個小菜數量對aki黎講係正餐,基本上都飽左半!當我地仲忙緊不停消滅之際,就上左個魚生船~但大家留意反,韓國既魚生真係同我地食開既日本魚生係好唔同,佢地係比較硬身,同個腥味係大小小,唔係人人都接受到架!不過唔使擔心,店家都知道各人口味唔同,所以緊接就上左個魚湯火鍋!大大條魚係上面添呀~但可惜唔掛住食唔記得影得相添!如果係受唔到既朋友可以將啲魚生放入湯鍋到整熟佢!就變左「打邊爐」咁,一種食材兩種食法,幾得意架! 

食完之後,建議大家落樓行下,成個東海盡收眼底!真係好舒服好靚,聽下啲海鷗聲,再望下泊住漁船既碼頭,係香港日日都咁忙碌,係呢到真係成個心都靜落黎,好好休息! 

 

 

 

 

Aki C

大家好!我叫Aki呀!雖然個名好日本,但我都係偽韓人一名,只要係關韓國既野,不論KPOP、韓劇、韓食、韓景點乜乜乜….都關我事架!而我係到都會分享下我同韓星合作過既所見所聞,當然唔少得去韓國玩既趣事啦!希望大家多多指教呀! FACEBOOK: Aki Sakura