[霜遇在這] 15cm和牛漢堡

男朋友一向好中意食漢堡包,睇左FB一啲Page介紹,就話一定要去試一下

5019 Premium Factory係中環Soho區,地鐡行去10分鐘左右。不過,因為唔熟中環,都搵左一陣先去到。店面比較細,大約只可以容納16-18人。可能因為係星期六晚上,入面都差不多坐滿人!

我同男朋友分別叫左龍馬漢堡同5019 BLT漢堡,加多$30,可以有野飲同沙侓或炸薯條。2個漢堡都好巨型啊!足足15cm有多,而且餡料好豐富,一啖真係食唔到成個!

5019 BLT漢堡
龍馬漢堡餡料有鹿兒島和牛做嘅漢堡扒,吞拿魚碎,芝士,煎蛋,青椒同蕃茄。漢堡扒肉味香濃,又Juciy,一咬就爆肉汁出黎,店員話有成120g。漢堡扒肉質比較腍,但配上吞拿魚碎,反而增加左咬感。

5019 BLT漢堡同樣有和牛做嘅漢堡扒,但其他餡料就有少少唔同,有煎蛋,洋葱,煙肉,生菜同番茄,感覺比龍馬漢堡無咁膩。

店員有同我地講,麵包係店主自家秘製,口感鬆軟,但皮就有少少脆。漢堡包用嘅醬汁係經店主改良嘅demi-glace,所以係獨家。味道的確同出面有少少唔同,醬汁好濃郁,但同漢堡扒配合下,無搶走牛肉味,反而令其味更特出。除此之外,配沙侓嘅醬汁係經店主獨家,食落酸酸甜甜,幾開胃。一問之下,先知原來用芒果整成醬汁,令沙侓味道更清鮮。

Spinach Green Smoothie (HK$48)
佢顏色青BB,咪以為青色就好難飲!其實係菠菜Smoothie,不過入面加左香蕉同芒果,所以一啲青味都無,仲甜甜地,好Fresh!

Spinach Green SmoothieHK$ 48
最後因為漢堡包太大,我係食唔哂,所以要拎走。個盒比一般大好多,但都係岩岩好裝到!
0

和牛做嘅漢堡扒的確好好食…而且真材實料。最值得一讚係店主會有自家秘製嘅醬汁同麵包,希望我地食客可以食到最prefect嘅漢堡包。

15cm和牛漢堡
5019 Premium Factory (中環)
中環蘇豪嘉咸街46號地下