[K韓公社]這些天要追的韓劇—–<大力女子都奉順>

好多朋友同Aki表示,自從<鬼怪>之後就無左寄託,心靈空虛!但其實而家張赫主演既<VOICE>係幾唔錯,不過係真係血腥左少少,唔係個個都岩睇,特別仲係少女心既眾多迷妹們!但黎緊又有精神支柱啦!就係朴寶英、朴烔植同金志洙主演既<大力女都奉順>,又係一套顏值高又搞笑愛情喜劇!

呢次擔正做男主角既朴炯植,上一套既作品就係岩岩先播完既<花郎>,好可惜收視唔太理想,只怪劇情太過老土,無乜特別大驚喜!浪費左一大班花美男演員>^<…不過,呢次佢夥拍出名人靚聲甜演技好既朴寶英、仲有近期上緊位既金志洙,加上呢次既劇情係講女主天生神力,但如果亂用就會比天收反呢個異能兼會有報應,當中亦穿插住一宗殺人案件黎做串連,再加埋同男主既愛情仲有最近十分受大家追捧既「男男CP」原素,題材新鮮得意!未播時都已經係熱門話題啦!

24號首播更加係先拔頭籌,錄得3.8%收視率!創左JTBC電視劇首播既最高收視,第2集仲破埋劉亞仁套<密會>既大結局收視!雖然朴寶英拍電影居多,但佢主演親既電視劇都可以話係收視保證。而韓國好興定下收視公約,佢地一班主演話只要首播過3%,就會FREE HUG同送5個粉絲反屋企,而劇組而家都好識做,已經幫主演們調整緊行程,等佢地可以盡快履行約定回饋FANS既厚愛!

另一套在下期待緊既韓劇就係由南柱赫、申世京、孔明、f(x)既Krystal主演既<河神的新娘2017>,呢套係由人氣漫畫改編,亦係第一套韓國人所創既漫畫紅到去俄羅斯、匈牙利等國家,有好多個翻譯版本,更係連載左成十幾年!小妹都係追左佢好耐,所以真心希望唔好做衰左作者既一翻心血!

而男主角當然毫無懸念係南柱赫,女主就由有「收視毒藥」之稱既申南京飾演,女二就Krystal飾演,係女主既情敵,男二就係孔明。而成個故事背景就會有古代變左做現代首爾。一講到呢套,好多粉絲就50/50,因為南柱赫就無辦法,但百思不得其解點解會係申世京做女主,佢令一眾韓國觀眾反感到如此地步都唔係一朝一夕既事,但編劇仍然要食呢一粒「毒藥」只有2個可能性。一、真係搵唔到人接,二、想比機會佢翻身!而聽聞呢套劇個女主係搵左好耐先定….咁大家都心中有數^_^(呢個只係個人意見),但都會真心地期望,唔使話做神劇但唔好太衰就可以,畢竟呢套都算叫由細睇到大,好有感情架嘛!

而呢套會由tvN製作同播作,由<未生>既鄭允晶編劇改編,<仁顯王后的男人>金炳秀PD執導,並會採用事前製作既方式進行拍攝,預計2017下半年播出。你地又點睇呢兩套劇呢?