網絡大電影《穿越愛情線》媒體主演見面暨角色試鏡會

日前香港人氣組合天堂鳥BOP及女子組合Bingo齊齊現身網絡大電影《穿越愛情線》媒體主演見面暨角色試鏡會，該電影由天盟娛樂有限公司出品，夢旅製作、彩妍娛藝平臺及夢成真娛樂製作有限公司聯合製作。

天堂鳥BOP及Bingo從出道來對音樂熱誠用心，之前因拍微電影及MV受導演玎玥琦Tony啟蒙下對電影產生化學性地鐘愛，以促成今次電影一拍即合，今次该电影仲揾黎藝人及幕後人黃合惠擔任制片。系試鏡會上，女主角Carman被問到覺得男主角Gordon呢個對手點，Carman即刻笑笑口話「高大威猛有型靚仔」，其后又認真表示自己系第一次拍網絡電影，形容呢套電影系特別既愛情穿越故事，佢仲話係戲內同Gordon有少少親密戲，所以好緊張。男主角Gordon聽到即刻笑言「好似我緊張d喎，我本身個人好怕醜架」，被問到今次分別飾演男女主角有冇做d咩功課去準備，Gordon表示「導演對我地都好有要求，我地已經有圍讀過劇本，黎緊都會經常坐埋一齊研究點樣去演繹角色」，仲笑言「第一次演愛情戲，希望可以擦出火花」，不過就唔知佢想同邊個擦出火花喇。

天堂鳥成員Tyrese透漏今次係戲內飾演Gordon好兄弟，仲話即系做返自己。Odilia被fans稱讚性感女神，Christy 同Carman就會係戲內一齊跳舞，仲話會比人推落地，所以而家都開始練習定跌落地先。
《穿越愛情線》

一個穿越時空的奇幻愛情故事，讓男主角游走過去與未來，從而找出真相改變未來，他每一次的抉擇，都造就不同的蝴蝶效應，過程曲折離奇，結局出人意表，讓觀眾重新思量（預知與無知）的人生哲理。

出品人：顏培意
監製：徐堃、孫翠沂
導演：玎玥琦
制片：黃合惠
故事原創：玎玥琦
編劇：玎玥琦、王速馳、卓三
領銜主演：葉灝基、關嘉敏、許俊豪、陳康琪
參與演出：歐振源、周彥、陳可、楊斯捷