聖誕講「食」經 – 新駐旺中潮流立食區 六間美食勁飲超推介

繼葵芳廣場之後,又有一個美食廣場出世啦!最近旺角中心出現咗一排式新攤檔,有日本大阪特色串揚,有台式滋味雞扒,更有新鮮水果製嘅特飲添呀!行下街食下野咁,真係可以一齊Hea La Ho Ma!(其中一間人工飲品店嘅名),勁有噱頭!

0112_10112_1 (3)

 

 

 

 

 

 

第一間叫串得喜,極度推介呢個芝心豚肉茄串,佢地喺大阪係好有特色嘅街頭小食,但香港真係唔多地方有。一咬落去好清甜嘅蕃茄汁同芝士融為一體個感覺好正!

0112_2 (1)

第二間就係呢間叫杯中物嘅店啦!入面有一個叫脂味咖哩魔鬼孖條好正,咖哩汁味道好濃郁,佢地整到好似七,八十年代嘅孖條雪條咁,你要唔要食一條呀?

0112_3 (1)

之後就見到呢間叫洪祖師嘅台式小食店,小編極度喜歡呢個鹽酥雞,佢地係用雞肶肉去做,比較嫩身啲,但出面好多用雞胸肉,佢地子咗用椒鹽粉,仲可加麻辣粉去調味,夠惹味呀!原來佢地上水已經有間餐廳,喺旺中再開間分店呀!

0112_6 (1)

0112_4 (1)

食完幾樣小食,飲返杯野飲嘆下先!呢間連個名都特別過人,叫Healahoma,一齊hea啦好嗎?有好多款有特色嘅野飲,最欣賞呢杯Thai chilli sauce嘅特飲,有士多啤梨果肉嘅佢真係好似泰式甜酸醬咁,同埋成杯野都好靚靚!

0112_5 (1)

跟住就可以試下Magic chicken pie呢個多力滋雞扒,佢係用栗米漿包埋去炸,比較薄身,但一咬落去好juicy,塊雞扒又好嫩口,真係一試就愛上!佢地喺山東有自己農場,所以雞係自家養架,而且佢地係紅磡有另一間分店架啦!

0112_110112_12

 

最後好想推介呢間叫錦尚甜嘅飲品店,一間睇落去平平無其嘅店,入面除咗用鮮炸果汁之外,仲用非濃縮果汁,沖劑或果汁粉呀!睇到個樣已經好開心,極度推介呢杯有勁豐富牛油果嘅粉牛配爆珠!