“泰串”既串燒泰國菜

唔知大家見到班蘭葉，會諗起啲咩呢？唔知會唔會令你諗起香港人好鐘意食既泰國菜呢？因為泰國人好鐘意用班蘭葉嚟煲飯嫁！

今次美食達人Nnl就帶同好友攝影師CY Hon去到鄰近荃灣港鐵既泰串燒～同大家去食串燒泰國菜。

Nnl: “Sa嘩d cup”～今日好開心邀請到呢間餐廳既大廚Kitty。我真係好鐘意呢度既環境，柱既顏色係綠色同埋啲燈好得意，好似一塊葉咁樣散開～

CY Hon: 真係好有泰國味道～

沙嗲雞肉串

大廚首先把雞肉切成一粒粒，再用秘製醃料醃好，再一粒粒咁串起佢嚟燒，再配合沙嗲或辣醬品嚐，十分惹味。

串燒雞腎

雞腎粒粒都好厚、好大粒。咬落去會感覺到好新鮮，新鮮得嚟又好彈牙！

串燒雞軟骨

雞軟骨燒得好鬆脆～令人食過翻噚味！

燒雞皮

雞皮好薄，口感好好，而雞皮上香料亦大大增加左雞既惹味程度。

沙嗲羊肉串

羊肉唔會太”蘇”，而且大廚掌握燒既時候又啱啱好～唔會過熟，令到食起嚟太”un”，又唔會太生。

鹽燒烏頭（即叫即燒）

配料方面用上香矛、南薑等配料，烏頭唔會燒到好乾，反而咬落去仲有好多肉汁添！

牛油焗雜菇

雜菇包括金菇、雞腿菇、秀珍菇。雜菇表面加上蒜頭、牛油，十分香口！如客人想食辣啲，亦都可以要求大廚加辣嫁！

原隻大檸樂

呢一杯真係名副其實既”大檸樂”！檸樂大家就飲得多，成個檸檬放埋入去可樂，大家又見過未呢？

King size 龍眼冰

龍眼冰係經過洗過既班蘭葉、龍眼熬製而成。粒粒龍眼都又大又爽，飲得多都仲可以養頻添！正！

冬陰功湯

真係好足料啊！飲既時候仲好creamy～如果鐘意飲清湯既朋友，亦都可以要求唔落花奶；鐘意辣既又可以加辣；怕辣既又可以叫少辣，餐廳真係好體貼啊！

泰式咖哩蟹

自制蒜蓉包條

脆口得嚟又惹味，因為蒜蓉包完全吸收左咖喱蟹既精華，無得頂啊～

燒豬肋骨

好有心機既一道菜，大廚需要一邊燒，一邊搽醬汁，過程大約半個鐘，都咪話唔攰！咬落非常鬆軟，一啲都唔”un”！

燒雞

臘味煲仔飯

煲仔飯材料包括臘腸、潤腸同臘肉。

油鴨脾煲仔飯

飯後仲會送埋甜品～

椰青糕

非常清甜，而且好重椰青味！

蛋花大菜糕

餐廳仲會提供包埸服務，可以容納到大約二十至三十個人，仲會提供埋電動麻將枱同唱ｋ服務添！仲唔快啲call齊豬朋狗友一齊嚟玩餐爆！

泰串燒泰國菜

地址: 荃灣曹公坊1-7號德仁樓地下C舖

電話: 3956 8228

youtube link:

https://www.youtube.com/watch?v=gle7wgbuAbY&t=223s