鬼節系列-後樓梯

之後我因為某原因,冇同阿媽一齊住,佢就同阿爸一齊喺葵涌區工廠大廈租左一個單位工作。

14045041_855775534554415_386597164_o
(二)後樓梯

當時我媽會獨自一人留喺辦公室工作,我媽就當然會驚,就帶埋一兩隻狗狗陪伴。

但嗰度嘅環境係點,我就唔清楚,始終佢地工作地方,我閒雜人等唔方便去。

但我媽就喺個度發生左兩次恐怖事件。

有一晚,我媽同爸一齊由公司離開,

媽:[你去禁先啦,我扔袋垃圾。]

爸:[ OK! ]

每層大廈都有個大垃圾桶喺後樓梯,而且有防煙門,

而我媽就喺哩個時間見到”佢”

當我媽拎住袋垃圾行到防煙門前,

佢就透過防煙門嘅玻璃窗見到有個灰灰白白身影坐左喺後樓梯,

當時大廈嘅燈都唔會光得去邊,我媽已經知道自己又見到”佢”

但我媽打算扮見唔到扔左袋垃圾就走,

點知我媽一打開道門,個影就好快咁飛閃左去!而佢飛去嘅地方係一塊牆壁,

冇任何窗,我媽就比”佢”哩下嚇左嚇!

而且已經唔見左個影了,扔完袋垃圾就急急腳搵番阿爸,

爸:[做咩個樣咁,又見到啲野?]

媽:[係呀!你想唔想知咩事!?]

爸:[咪搞我!]

就咁佢地都冇理會,認為係野鬼咁啱比我媽見到。

後樓梯見到嘅,只係好少事姐。

有一次,我媽自己一個喺公司做完野,公司有張梳化,

佢就好攰訓左喺梳化休息,當然仲有兩隻狗狗一齊啦。

但我媽訓訓下嘅時候,又見到天花板有個灰白影,

“佢”唔係上次深水埗見到嗰個,而係另一個,會唔會係後樓梯嗰個就唔肯定,

因為我媽睇唔清楚後樓梯個條友。

哩隻野向埋去我媽塊面!今次都係捏我媽條頸!但今次我媽旁邊冇人,冇得叫人救自己,

但相信哩隻野今次冇上次嗰隻咁大力,

所以我媽都有反抗能力,

[頂你!咪再捏我!]

我唔知”佢”係咪未見過人講粗口定驚,隻野好快就消失左。

我媽都冇事了,只係聽到狗吠聲。

同時我發覺,到底遇到”佢地”嘅時候,講粗口係咪可以幫自己甩身呢?

點解比鬼壓嘅時候,每次都係捏我媽條頸呢?

到底係咩一回事。

Jessie Au

大家好!我叫區思晴(Jessie),是一名90後女生,喜歡幕前演出的工作。 我做人的宗旨是「珍惜每一刻」,因為很多事情是估算不到,所以要珍惜與身邊人一起的時光。 Fans Page: https://www.facebook.com/auszeching2015/