鬼節系列 - 離奇的單位

是咁的,我媽有次發高燒就開左眼(即陰陽眼),一直有見師父,都叫我媽小心D,同時時刻刻都帶符護身。

(一)離奇的單位

有一次我地租左深水埗某一單位,我地有養好多狗狗,起碼都有5-6隻。

而我地所租嘅單位前身係老人院。初初我地都覺得好好,700幾尺唔再講,

牆身貼有華麗牆紙,三房一廳一廚房都只係一萬蚊,簡直perfect池。

當時我姨都一齊住,夜晚訓教嘅時候,我地都會將狗狗鎖返入籠,

以免牠們會發情做傻事(嗰時唔係每隻都有絕育)

我姨訓訓下比一D聲嘈至半醒狀態,佢聽到一D撞門嘅聲夾雜D噹噹聲,同門鎖細細力扭的聲音。

[嘭….噹噹………嘭……噹噹]

姨知道係啲狗狗嘅玩具,一個波波入面有噹噹又有野食嘅玩具。

我姨當時好眼訓,以為係狗狗出呢玩波波而已,所以繼續訓。

到第二日,姨向媽講昨晚發生既事,但我媽答

[昨晚每隻狗狗都鎖好起籠,冇放出黎喎…….]

過了一排,我媽自己坐喺廳睇電視,當時只有我媽一個同狗狗們喺家,

但我媽起睇電視嘅時候,眼角見到有個黑影貼住牆,

慢慢地,慢慢地走近我媽,媽當時知道自己已有陰陽眼,

但經驗少嘅佢唔敢望去有黑影嘅地方,之後有隻狗狗走左去黑影位置,

媽冇得唔望,一望!就睇住個黑影好快閃走。

我媽好驚,所以就好快咁將啲狗狗放入狗籠去訓教。同時屋企人都返黎。

但訓教嘅時候,我媽見到天花板有團煙,慢慢走近自己。

之後見到有個女人!

全身灰灰白白,中短頭髮面圓圓,樣子凶惡!我媽只係見到個女人{MA}大個口!

當走到我媽嘅時候,就好大力咁捏我媽條頸,

但我媽冇得反抗,就拍醒我爸!先可以慢慢抖到氣!

不過原來哩個女人唔係第一次出現。

有一次我姨訓教嘅時候,約2點-3點左右,就夢見哩個女人。

當時呢個女人企左喺大廳窗口嘅位置,

但面向媽間房,之後有隻狗狗不停向女人吠,因為狗狗就係擺起大廳近窗,即係女人企緊個地方。

而我姨同時都比狗吠聲嘈醒,終結哩個夢。

仲有一次,我姨同樣係發夢見到,而呢一次更係最恐怖嘅一個夢。

我姨見到個女人背住跪坐起大廳窗口前,

同時個女人不停發出令人毛骨悚然既聲音!

[嗚嗚…….嘻!]一D飲泣聲加笑聲。

跟住我姨又聽到耳鳴聲,令到佢好頭痛,

同時又感覺到有”野”起佢身上不停轉,

當時又係2點-3點半嘅時間,我姨又驚又眼訓,

[ Hi Auntie!我好眼訓,你轉夠未!]

我姨駛出無敵嘅粗口,慢慢佢耳鳴開減細,

所有動靜都開始減慢,就繼續訓。

還有一次,亦最後一次。

我姨聽完我媽講之後,嗰排都唔敢玩電腦。

是咁的,我媽好鍾意起youtube睇啲怪談節目,

可能係睇左恐怖片嘅關係,我媽見到電腦mon右下角,

有對眼望住佢!嚇到佢即時走左出房!而狗狗都向嗰個位不停吠。

當時嘅位置即電腦mon與枱邊黏牆嘅暗處。

Jessie Au

大家好!我叫區思晴(Jessie),是一名90後女生,喜歡幕前演出的工作。 我做人的宗旨是「珍惜每一刻」,因為很多事情是估算不到,所以要珍惜與身邊人一起的時光。 Fans Page: https://www.facebook.com/auszeching2015/